Klinik hallar

1. Kəskin vəziyyət01

   Kəskin ön divar infarktı: təcili dörd şuntlu bypass

   Vəziyyət

   ön divar infarktı, ciddi təngnəfəslik, boğulma hissi, arterial təzyiq 80/40 mm c.st., huş yarıyuxulu vəziyyətdə.

   Müayinə

   təcili koronar angioqrafiya — üç damar tam tutulub, sol ana koronar arteriyada 99% darlıq; karotid arteriyalarda 85% və 90% darlıq; kreatinin 1,95 mq/dl; troponin >25 ng/ml; atım fraksiyası 30%.

   Əməliyyat

   yüksək risklə dörd şuntlu aorta-koronar şuntlama.

   Əməliyyatdan sonra

   7-ci gün evə yazılıb.

2. Kombinə əməliyyat02

   Üç qapaq, koronar darlıqlar və qalxan aorta: bir seansda beş müdaxilə

   Şikayət

   ciddi təngnəfəslik, sinədə ağrı.

   Müayinə

   aorta, mitral və triküspid qapaqlarda ciddi çatışmazlıq; angioqrafiyada koronar arteriyalarda ciddi darlıqlar; kontrastlı KT-də qalxan aortanın 5,5 sm-ə qədər genişlənməsi.

   Əməliyyat

   iki şunt; ağır kalsifikasiya səbəbindən təmirə yararsız aorta və mitral qapağın protezlə əvəzlənməsi; triküspid qapağın təmiri; qalxan aortanın süni damar protezi ilə əvəzlənməsi.

   Əməliyyatdan sonra

   5-ci gün evə yazılıb; bir həftəlik kontrolda göstəricilər normal olub.

3. Kombinə əməliyyat03

   Bypass, qapaq və qulaqcıqların fibrilasiyası

   Şikayət

   təngnəfəslik, ürəkdöyünmə, sinədə ağrı.

   Müayinə

   koronar arteriyalarda ciddi darlıqlar, mitral və triküspid qapaqda ciddi çatışmazlıq, qulaqcıqların fibrilasiyası.

   Əməliyyat

   eyni seansda iki şunt, mitral qapağın protezlə əvəzlənməsi, triküspid qapağın təmiri, sol qulaqcıq çıxıntısının bağlanması.

   Əməliyyatdan sonra

   4–5 gün sonra evə yazılıb.

4. İnfarktdan sonra04

   İnfarktdan sonra sol mədəcik anevrizması və laxta

   Şikayət

   1989-cu il təvəllüdlü xəstə; sinədə göynəmə xarakterli ağrı, təngnəfəslik, boğulma, ayaqlarda şişkinlik; anamnezdə trombemboliya səbəbindən sağ ayağın amputasiyası.

   Müayinə

   EKQ, exokardioqrafiya, kardiak MRT, koronar angioqrafiya — atım fraksiyası 18–20%, sol mədəciyin zirvə anevrizması, mədəcik boşluğunun təxminən üçdə ikisini tutan orqanizə olunmuş laxta, çoxdamarlı koronar xəstəlik.

   Əməliyyat

   anevrizmektomiya, trombektomiya, üç şuntlu tam arterial revaskulyarizasiya.

   Əməliyyatdan sonra

   2 günlük reanimasiya, 6 günlük stasionar müşahidə; kardioloq nəzarətində evə yazılıb.

5. Multidissiplinar05

   Ürək və böyrək əməliyyatı eyni seansda

   Vəziyyət

   63 yaş; fiziki yükdə və sakitlikdə sinədə göynəmə xarakterli ağrı, təngnəfəslik.

   Müayinə

   sol ana koronar arteriyada 80–85% darlıq, çoxdamarlı koronar xəstəlik, atım fraksiyası 45%; hazırlıq zamanı sidikdə qan və sağ böyrəkdə törəmə; torakoabdominal KT angioqrafiyada böyrək ləyəninin karsinoması, böyrək venasında və aşağı boş venanın bir hissəsində tromb.

   Əməliyyat

   nefroloq, onkoloq və uroloqun rəyi ilə eyni seansda dörd şuntlu bypass, sonra uroloji komanda ilə birlikdə sağ nefrektomiya və aşağı boş vena trombektomiyası.

   Əməliyyatdan sonra

   2 günlük reanimasiya, 6 günlük stasionar müşahidə; kardioloq və nefroloq nəzarətində evə yazılıb.

6. Aorta06

   Qarın aortası anevrizması

   Şikayət

   67 yaş; qarında kəskin ağrı və şişkinlik.

   Müayinə

   KT — aortanın böyrək arteriyalarından aşağı hissəsində 12,8 sm uzunluğunda, diametri 65 mm-ə çatan iyşəkilli anevrizma, divarında qalınlığı 35 mm-ə çatan laxta.

   Əməliyyat

   aorto-bifemoral bypass.

   Əməliyyatdan sonra

   iki həftə sonrakı kontrolda göstəricilər normal olub.

7. Anadangəlmə qüsur07

   Yetkin yaşda ASD

   Şikayət

   32 yaş; təngnəfəslik.

   Müayinə

   aşağı sinus venosus tipli ASD, ağciyər venalarının qismən anomal qayıdışı; sağ ürək boşluqları genişlənmiş, sağ mədəcikdə və ağciyər arteriyasında təzyiq yüksək.

   Əməliyyat

   ağciyər venalarının sol qulaqcığa yönəldilməsi, defektin xəstənin öz perikardından hazırlanmış yamaqla bağlanması.

   Əməliyyatdan sonra

   5 gün sonra stabil vəziyyətdə evə yazılıb.

8. Koronar bypass08

   Gənc yaşda koronar xəstəlik

   38 yaş

   qeyri-stabil stenokardiya; əvvəllər keçirilmiş infarkt, atım fraksiyası 30%, yüksək təzyiq, şəkərli diabet, piylənmə. Tam arterial revaskulyarizasiya ilə bypass aparılıb, xəstə evə yazılıb.

   37 yaş

   sinədə ağrı, göynəmə, təngnəfəslik; koronar angioqrafiyada ciddi darlıqlar. Dörd şuntlu bypass aparılıb; bir aylıq kontrolda göstəricilər normal olub.

9. Koronar bypass09

   Yaşlı xəstələrdə bypass

   82 yaşlı xəstəyə üç şuntlu, 80 yaşlı xəstəyə dörd şuntlu aorta-koronar şuntlama aparılıb. Hər iki xəstə evə yazılıb.

10. Koronar bypass10

    Zəif ürək funksiyası, diabet və hipertoniya

    Tərtər rayonundan olan xəstədə atım fraksiyası 35%, şəkərli diabet və ciddi hipertoniya fonunda üç şuntlu bypass aparılıb. Bir ay sonrakı kontrol müayinəsində göstəricilər normal olub.

11. Regionda11

    Regionda icbari tibbi sığorta ilə bypass

    Şirvanda işlədiyi dövrdə Dr. Beyrək Abbaszadə icbari tibbi sığorta çərçivəsində aorta-koronar şuntlama əməliyyatları aparıb. Onun orada sığorta ilə əməliyyat etdiyi ilk xəstə göstəriciləri normal olaraq evə yazılıb.

Hər xəstənin vəziyyəti fərdidir; bu nümunələr başqa xəstələr üçün eyni nəticəyə zəmanət vermir və həkim müayinəsini əvəz etmir.