Dr. Beyrək Abbaszadə Ürək-damar cərrahı
Qəbula yazılın

Xəstələr üçün

Ürək-damar xəstəliklərində müayinələr

Cərrahi qərar bir müayinəyə deyil, nəticələrin məcmusuna əsaslanır. Dr. Beyrək Abbaszadənin paylaşdığı klinik hallarda əməliyyat qərarından əvvəl aşağıdakı müayinələrdən istifadə olunub. Hansı müayinənin sizə lazım olduğunu həkim şikayətlərə və ilkin nəticələrə görə müəyyən edir.

Müayinələr

Nə göstərir və nə vaxt lazım olur

MüayinəNəyi göstərirAdətən nə vaxt lazım olur
EKQÜrək ritmi, keçirilmiş və ya davam edən infarktın əlamətləriHər ürək şikayətində ilk addım
Exokardioqrafiya (ExoKQ, ürəyin USM-i)Ürəyin ölçüləri, yığılma gücü (atım fraksiyası), qapaqların vəziyyəti, ağciyər arteriyasında təzyiq, qalxan aortanın diametri, mədəcikdaxili laxtaTəngnəfəslik, qapaq xəstəliyi şübhəsi, infarktdan sonra, əməliyyatdan əvvəl və sonra
Koronar angioqrafiya (KAQ)Koronar arteriyalarda daralmanın yeri və dərəcəsiStent və ya bypass qərarından əvvəl
Kontrastlı KT angioqrafiyaAortanın diametri və uzunluğu, anevrizma daxilindəki laxta, aortanın budaqları; lazım olduqda döş və qarın boşluğu birlikdəAorta anevrizması, mürəkkəb planlama tələb edən hallar
Kardiak MRTÜrək əzələsinin canlılığı, çapıq toxuması, mədəcikdaxili laxtaİnfarktdan sonra, sol mədəcik anevrizmasında
Qan analizləriTroponin (ürək əzələsinin zədələnməsi), kreatinin (böyrək funksiyası), qan şəkəri, xolesterinKəskin vəziyyətdə və əməliyyata hazırlıqda
Beyni qidalandıran (karotid) arteriyaların müayinəsiBoyun arteriyalarında darlıqBəzi xəstələrdə ürək əməliyyatından əvvəl
Qarın boşluğunun USM-iQarın aortasının ölçüsü, digər orqanlarda dəyişikliklərQarın aortası anevrizması şübhəsi, əməliyyata hazırlıq

Ürək damarlarının tıxandığını necə bilmək olar?

Koronar arteriyaların vəziyyətini ən dəqiq koronar angioqrafiya göstərir — Dr. Beyrək Abbaszadə bu müayinəni ürəyin işemik xəstəliyində «qızıl standart» adlandırır. Müayinə zamanı nazik kateter bilək və ya bud arteriyasından ürək damarlarına qədər irəlilədilir, kontrast maddə yeridilir və daralmalar rentgen görüntüsündə görünür. Dincəlikdə yaranan və ya tezləşən sinə ağrıları kritik daralmanın göstəricisi ola bilər; belə hallarda müayinə təxirə salınmamalıdır.

Atım fraksiyası (EF) nədir?

Atım fraksiyası sol mədəciyin hər yığılmada içindəki qanın hansı hissəsini aortaya itələdiyini göstərir və exokardioqrafiya ilə ölçülür. Normal göstərici adətən 50–55%-dən yuxarı hesab olunur. Göstəricinin aşağı olması ürəyin nasos funksiyasının zəiflədiyini bildirir və əməliyyat riskinin qiymətləndirilməsində nəzərə alınır.

Dr. Beyrək AbbaszadəÜrək-damar cərrahı

Saytda axtarış

Xidmətlər, xəstəliklər, klinik hallar və məqalələr üzrə axtarın.

    Tez keçidlər