Tez-tez Sorulan Suallar
Ürək Əməliyyatları Haqqında Ən Çox Verilən Suallar
Açıq ürək əməliyyatı nədir və nə vaxt lazımdır?
Açıq ürək əməliyyatı döş sümüyü açılaraq və kardiopulmoner bypass aparatı vasitəsilə icra olunan cərrahi müdaxilədir. Koronar bypass, qapaq xəstəlikləri, aorta anevrizması və anadangəlmə ürək qüsurlarında tətbiq edilir.
Koronar bypass əməliyyatı nə zaman tələb olunur?
Çoxdamar koronar xəstəliyi, LMCA 80-85% stenozu və dərman müalicəsinin effektiv olmadığı hallarda bypass əməliyyatı tövsiyə edilir.
Minimal invaziv əməliyyat nədir?
Minimal invaziv üsulda döş sümüyü tam kəsilmir. Kiçik kəsiklərlə və endoskopik texnologiya ilə icra olunur. Daha az ağrı və sürətli sağalma təmin edir.
Aorta anevrizması nə vaxt təhlükəlidir?
Abdominal aorta diametri 55 mm-dən çox olduqda cərrahi müdaxilə tövsiyə edilir. 65 mm və üzəri hallarda yırtılma riski yüksəkdir.
ASD (qulaqcıqlar arası çəpər defekti) müalicə olunmazsa nə baş verər?
Müalicə olunmadıqda sağ ürək boşluqları genişlənir, pulmonar hipertenziya və ürək çatışmazlığı inkişaf edə bilər.
EF 30% olduqda əməliyyat mümkündürmü?
Bəli, lakin yüksək risk qrupu sayılır. Dr. Beyrək Abbaszadə EF-30% və çoxdamar xəstəliyi olan pasiyentlərdə uğurlu bypass əməliyyatları icra etmişdir.
Ürək əməliyyatından sonra sağalma müddəti nə qədərdir?
Açıq ürək əməliyyatından sonra hospitalizasiya 5–10 gün, tam sağalma isə təxminən 6–12 həftə davam edir. Minimal invaziv üsullarda bu müddət daha qısadır.
Əməliyyat icbari tibbi sığorta ilə mümkündürmü?
Bəli. Şirvan Diaqnostik Mərkəzdə icbari tibbi sığorta çərçivəsində açıq ürək əməliyyatları icra olunur.
Varikoz venaların müalicə üsulları hansılardır?
Lazer ablasiyası (EVLA), skleroterapiya və cərrahi çıxarılma üsulları mövcuddur. Seçim ultrasəs müayinəsinə əsasən edilir.
Xaricə getmək lazımdırmı?
Dr. Beyrək Abbaszadə mürəkkəb və yüksək riskli hallarda, hətta xaricdə imtina edilmiş pasiyentlərdə belə uğurlu əməliyyatlar icra etmişdir.
